Attualità | Toute l'actualité de l'Université de Corse
Attualità |
Toute l'actualité de l'Université de Corse

Cuncorsu « Lingua Materna »

Site studiente è avete un prughjettu creativu chì pò valurizà a lingua è a cultura corsa ?

Rispundite à a chjama à cuncorsu lampata da a Missione Creatività di l’Università di Corsica !
Ogni prughjettu selezziunatu vincerà un premiu di 500€. Ogni squadra o studiente pò prupone solu un prughjettu.
 
Varie pruposte pussibile :
* Spettaculu vivu,
* Opera literaria,
* Ghjocu pedagogicu,
* Mostra artistica
* Filmettu,
* BD,
* Valurisazione patrimuniale,
* Avvenimentu culturale creativu,
 
Criterii di selezzione :
* Adopru di a lingua corsa.
* Interessu per à tramandera di a lingua è a cultura corsa.
* Uriginalità è creatività di u prughjettu.
* Pussibilità di realisazione in 3 mesi.
* Capacità transdisciplinaria di mischià e cumpetenze, e discipline è l’arte.
* Esse studiente à l’Università di Corsica.
 
Unu à dui prughjetti seranu selezziunati da una ghjuria di spezialisti. Seranu prisentati publicamente di maghju 2023, à u Spaziu Natale Luciani, incù una rimessa di premiu.
E pruposte seranu ricevute finu à u 13 di ferraghju inclusu à l’indirizzu :
creativite@univ-corse.fr

Per esse adimessu, un prughjettu deve esse cumpostu di :
* Un titulu.
* Una prisentazione precisa di u prughjettu, di l’arnesi è di e risolse mubilizate.
* Una spiegazione di a so messa in opera è di a so sbucinera sin’à u risultatu finale.


NB :  A Missione Creatività inquadrerà u prughjettu sin’à u so sboccu. L’Università di Corsica pò prupone un appoghju logisticu.

à télécharger
CLAUDINE PALDACCI | Mise à jour le 19/01/2023
Rendez-vous

Du lundi 09 janvier 2023 à 12h00 au lundi 13 février 2023 à 18h00


-->