Marcu Biancarelli

Marcu Biancarelli, natu in 1968 in Blida (Algeria)
Prufissori di lingua corsa è scrittori, Portivechju

http://www.youtube.com/watch?v=hMf_ecLKQug&feature=share

" A l’università, aghju ancu scupartu a literatura corsa. Hè stata impurtanti, suprattuttu pà mè ch’avia rifirimenti forti in famidda postu chì u me babbu è u me ziu erani pueti. Aviu bisognu di cunfronti. Hè cussì ch’aghju lettu pà a prima volta à Santu Casanova par esempiu. Forsa quissa dinò m’hà aiutatu monda à circà di fà calcosa di parsunali. D’appressu à mè, a brama, l’aviu dighjà, ma aviu bisognu di piddanni cuscenza.
Eccu dunqua u me camminu : in Corti, aghju lacatu à pocu à pocu u militantismu pà rinfurzà a diminsioni parsunali. Com’è militanti, aghju prestu avutu unu sguardu troppu criticu chì facia ch’ùn mi sintiu micca à a me piazza. Aghju scupartu una certa lucidità chì m’hà musciatu a falzità di unipochi di miti, è aghju presu gustu è piaceri à sta lucidità, à sta dimarchja di custruimmi libaramenti."

Studià in Corsica (à paraître le 26 octobre)