Da u 31 di maghju finu à l'8 di ghjugnu 2014 : Simana di a lingua corsa 2014

L'Università di Corsica participeghja à a simana di a lingua corsa urganizata pè a Cullettività Territuriale di Corsica.


U 14, cent'anni dopu

L'Università di Corsica presenta a mostra "U 14, cent’anni dopu", realizata da l'UMR LISA, incù a participazione di l’ESPE di Corsica. Sta mostra cuntene 11 visuali esciuti da l'opere di a Mediateca Culturale di a Corsica è di i Corsi cù scritti ricacciati da a literatura corsa è canzone pupulare.

Si puderà vede a mostra: in Aiacciu nantu à i trasporti cumuni da u 19.05 à u 02.06; in Bastia nantu à i trasporti cumuni da u 27.05 à u 11.06; nantu à pannelli di 4mX3m sparti in e cità di Corti, Aiacciu, Bastia, Calvi è Portivechju da u 30.05 à u 15.06; nantu à 4 banderole sposte à l’Università di Corsica in u mentre di u mese di ghjugnu, scumpertute trà i campus Grimaldi, Mariani è l’ESPE di Corti; nantu à www.univ-corse.fr.

> U 14, cent'anni dopu


Centru Culturale Universitariu è Associu corsu di l'IITM
U 5 di ghjugnu
Spaziu culturale Natale Luciani, Campus Mariani, Corti

10 ore : "RIVOLTA ZITELLESCA", hè una seguita di situazione cumbricculate da zitelli per salvà u so tarrenu di ghjocu.
Creata è interpretata da a Scola di 3° bislingua u Cullegiu di Multifau.
L’allevi anu travagliatu sottu à a direzzione di u so prufessore Rosa Maria ALFONSI-RACLOT è cun l’assistenza artistica di Guidu CIMINO è Ghjan Petru GIUDICELLI (Associu IITM).

14 ore: PUESIA È LINGUA CORSA
Ragiunata è baratti cun Ghjacumu FUSINA, Alanu DI MEGLIO è Patrizia GATTACECA. Trà e varie riflessione ch’ellu insegna u tema, a primura sarà di sapè, pè ognunu è cun ammenti di puemi precisi letti è cumentati, cumu a lingua corsa rapresenta o nò una fonte particulare d’ispirazione è di travagliu pueticu.

15 ore 30: IMPARÀ U CORSU
Niculaiu SORBA è u gruppu chì hà rializatu u metudu nantu à www.interromania.com presenta e sequenze di a versione pumuntinca


Lingua azzione 24
U 5 è 6 di ghjugnu
Sala B1-204, UFR Lettere, Campus Mariani, Corti

A Facultà di Lettere, Lingue, Arte, Scenze Umane è Suciale di l’Università di Corsica urganizeghja u cuncorsu Lingua Azzione 24, u 5 è u 6 di ghjugnu 2014 in Corti. Cusì fendu, pugna d’incuragì a cuncipitura è a messa in opera di prugetti innuvanti, à prò di a lingua corsa è di u so adopru in la vita ecunomica è suciale.

> Lingua azzione 24